Black Album

Home  |  Lyrics  |  Vorheriges Lied  |  Nächstes Lied

Gostenhofer Gerchler

Wenn vo Gostenhof des Gerchler zammerkratzt sei letzten Märkler
und nou wäi a g'stutzter Hund in'd Stadt nei laft
Wenn er nou nu fier sei Liesler schnell a Hiesler und a Bliesler
Mit so scheene weisse runde Spitzler kafft
Hemmerdler und Unterreckler scheene Stieferler mit Steckler
Dass des Madler ausschaut grod wie zammag'schleckt
Und sie sacht zu ihm "Mei Klaaner, a so goud verstehts fei kaaner!"
Is des net der allerscheenste Dialekt.

I gäi noo zum Markt zum gräiner zu der Obstleri zur scheener
Aus versehgn a weng an der ihr'n Stand hiestraaf
Und die Obstleri die holde zeicht mer glei die Zäh' vo Golde
"Maulaff' dummer sachts, mach deine Glotzer aaf.
Und etz schau net wie a Schwälbla oder wie a g'schtochns Kälbler
Dir ham doch die Spotzen scho dei Hirn rauspickt.
Schau dass'd weiterkummst verroll di, schleich di, zäich di, druck di, Doldi!"
Is des net der allerscheenste Dialekt.

Lernt so a Buu sei Madler kenner, sacht zu ihr "Mei gouder Henner.
Du mei Zuckerstickler, ich hob dich so gern.
Du mei Herzerler mei Weibler, goldigs Meisler, zuggrigs Deibler,
Du sonst kaaner sulst amol mei Frauler wern!"
Und so sacht er und so douder "Bist mei gouder Sau, mei gouder!"
Bis er nou im zehnten Ehejahr dirnsteckt
Und nou sacht er "Dreecksau g'schpritzter, malefiz Brandsulln verschwitzter!"
Is des net der allerscheenste Dialekt.

Houd su a Mudder auf ihr'm ärmler so zum fäiddern ihr klaans Wärmler
"Drink dei Milcherler, mei Waggerler, gäi zou.
Odder mogst vielleicht a Deeler oder läiber a Kaffeeler?"
Und es schreit und gnauntzt und gibt hal goar kaa Rouh

"Odder mogst vielleicht a Breiler oder lieber a Ei-Eiler?" Bis nou endli wos g'schleckerts in die Goschn neisteckt.
"Gell, dei Schnuller" sachts "der schmeckt der, oh, du Bankert du verreckter!"
Is des net der allerscheenste Dialekt.

Streitn si zwaa Dullnramer Brouder do derlebst a Drama
Dass beim ärbertn bloss kaaner zuvül doud.
"Geh scho no dou und fang oo dou, weil dou i ja aa nu noo mou!"
Sacht der aa "sonst gräichi glei mei Woud"!
"Halt dei Schlebbern, Brouder, Brouder geh doch du nou stinkfaul's Louder,
Odder glabst dass an die ärbert dou nu schmeckt?
"Wenns'd daham vur Noud kaa Brout houst und den Kupf vuur Woud bloudroud houst!"
Is des net der allerscheenste Dialekt.
"Wenns'd daham vour Noud kaa Bier houst und den Kuckuck auf der Dier houst!"
Is des net der allerscheenste Dialekt.